Loading Događaji

« Svi Događaji

  • Ovaj događaj je prošao.

SMG Ljubljana i HNK „Ivan pl. Zajc” Rijeka: „NAŠE NASILJE I VAŠE NASILJE”, režija: Oliver Frljić

6. jula od 21:30

5€

Slovensko mladinsko gledališče Ljubljana i HNK „Ivan plemeniti Zajc“ Rijeka

„NAŠE NASILJE I VAŠE NASILJE“  

inspirisano romanom Petera Vejsa „Estetika otpora“

Autor i reditelj: Oliver Frljić

 

 Scenograf: Igor Pauška

Kostimografkinja: Sandra Dekanić

Majstor svjetla: Dalibor Fugošić

Inspicijentkinje: Sandra Čarapina/Ana Vidučić

 

Igraju: Barbara Babačić, Daša Doberšek, Uroš Kaurin, Dean Krivačić, Jerko Marčić, Nika Mišković, Draga Potočnjak, Matej Recer i Blaz Šef

Trajanje: oko 75 minuta

 

O PREDSTAVI:

Predstava „Naše nasilje i vaše nasilje“ širom otvorenih očiju posmatra Evropu naivno zatečenu izbjegličkom krizom, Evropu koja spremno zaboravlja na svoju kolonijalnu prošlost dok jednako tako spremno zatvara granice hiljadama onih koji bježe upravo pred posljedicama evropske i američke politike.

Predstava „Naše nasilje i vaše nasilje postaviće neka možda vrlo neugodna pitanja: Jesmo li svjesni da naše blagostanje zavisi od hiljada mrtvih na Bliskom istoku? Kupujemo li savjest svojom deklarativnom solidarnošću? U trenutku u kojem svjedočimo jednoj od najvećih svjetskih kriza nakon Drugog svjetskog rata, trebamo li se s ponosom nazivati Evropljanima ili se Evrope trebamo sramiti? Jesmo li spremni snositi posljedice evropske stoljetne arogantne dominacije? Oplakujemo li jednako žrtve terorističkih napada u Parizu i Briselu, kao i onih u Bagdadu? U kojem smo trenutku povjerovali da smo gospodari istine i da je naš Bog svemoćniji od drugih? I gdje se u svemu tome nalazimo mi, gledaoci ove predstave dok plačemo u polumraku dvorane pred fikcionalnim, odigranim prizorima, ali ostajemo ravnodušni pred stvarnim ljudima u izbjegličkim kampovima širom Evrope?

Predstava je nastala u međunarodnoj koprodukciji nekoliko evropskih pozorišta i festivala, koju uz riječki HNK čine HAU Hebbel am Ufer iz Berlina (Njemačka) kao inicijator projekta, Wiener Festwochena iz Beča (Austrija), Slovensko mladinsko gledališče iz Ljubljane (Slovenija), Kunstfesta iz Vajmara (Njemačka), Zürcher Theater Spektakel (Švajcarska) i sarajevski Festival MESS (BiH), uz podršku German Federal Cultural Foundation (Njemačka).

Riječ kritike:

„Devetero hrabrih glumaca iz Rijeke i Ljubljane – Barbara Babačić, Daša Doberšek, Uroš Kaurin, Dean Krivačić, Jerko Marčić, Nika Mišković, Draga Potočnjak, Matej Recer i Blaž Šef – briljantno je odigralo licemjerje bogate Evrope koja svakom izbjeglici traži dlaku u jajetu, dok se hiljade ljudi davi u Mediteranu ili skapava u blatu na prilazima Evropi. Ova predstava napada tu nepodnošljivu lakoću postojanja na koju je naučila Evropa, kako bi pokazala da ne možemo mirno stajati u vlastitoj udobnosti dok se oko nas događaju nepojmljive stvari.

Poetika šokantnih fleševa, začudnih slika i drskog govora, kojom Frljić iritira i desnicu i tzv. umjerene građane, već je prilično poznata, no za predstavu „Naše nasilje i vaše nasilje“ je važno to što je ona vrijedna u mjeri svoje težine. Ona govori o strahoti izbjeglištva i o užasu naše šutnje. Ili kako bi rekao politički teoretičar Edmund Burke: „Jedina stvar koja je potrebna za trijumf zla jest da dobri ljudi ne urade ništa…“

Bojan Munjin, Novosti

Detalji

Datum:
6. jula
Vrijeme:
21:30
Cena:
5€
Kategorija događaja:

Mjesto

Ljetnja pozornica Doma kulture

Organizator

JP Kulturni centar Bar
Telefon:
068 278 760
E-pošta:
pr@barskiljetopis.me